ब्रेकिङ

रोजगार ईन्स्टिच्युटद्वारा विद्यार्थी सम्मान तथा स्वागत कार्यक्रम सम्पन्न ।

विश्वकप फुटबल नेपाली दर्शकले हेर्न नपाउने सम्भावना

भारतको दिल्लीमा वायु प्रदूषणका कारण स्वास्थ्य सङ्कटकाल : प्राथमिक विद्यालय बन्द

खेलाडीलाई निशुल्क स्वास्थ्य विमा,अशक्त तथा ज्येष्ठ खेलाडीलाई निर्वाह भत्ता कार्यक्रम ल्याउने एमाले उपाध्यक्ष विष्णुप्रसाद पाैडेलकाे प्रतिवद्धता

तीन लाख बराबरको पुरस्कार वितरण गर्दै सार्वजनिक गर्याे अक्सफोर्ड मा.वि ले प्रथम त्रैमासिक परीक्षाको नतिजा ।

टी–२० विश्वकप : श्रीलंकालाई हराउँदै इंग्ल्याण्ड सेमिफाइनलमा, आयोजक अष्ट्रेलिया बाहिरियो

कसैले दार्चुला पुगेर भाषण गर्दैमा लिम्पियाधुरा फिर्ता हुँदैन, : देउवा

प्रचण्डलाई भोट माग्दै बाबुरामले भने– भोलिको प्रधानमन्त्री उहाँ नै हो

नवलपुर बस दुर्घटनाका ५ जना मृतकको सनाखत

१० शिवराज नगरपालिकाले पनि कार्यपालिका बैठक प्रत्यक्ष प्रशारण गर्ने

खनाल–नेपाल समूहले के प्रधानमन्त्री ओलीलाइ विश्वासको मत देलान त?
  • हजुरकाे पाेष्ट

  • काठमाण्डौ – प्रधानमन्त्री एवम् पार्टी अध्यक्ष केपी शर्मा ओलीले विश्वासको मत लिने निर्णय गरेसँगै नेकपा एमालेको खनाल–नेपाल समूह आवश्यक रणनीतिमा जुटेको छ ।

    आउँदो २७ गते विश्वासको मत लिने मिति तोकिएसँगै जसरी हुन्छ प्रधानमन्त्री एवम् पार्टी अध्यक्ष ओलीलाई असफल बनाउने रणनीति अनुसार खनाल–नेपाल समूह विभिन्न विकल्पसहित आन्तरिक छलफलमा जुटिरहेको छ ।

    पहिला विश्वासको मतको पक्षमा उभिन लगाएर थप कारबाही गर्ने प्रधानमन्त्री ओलीको रणनीति रहेकोले त्योभन्दा पहिले नै सामूहिक राजीनामा दिनुपर्ने पक्षमा केही नेताहरु रहेका छन् ।

    यस्तै केही सांसदले ‘फ्लोर क्रस’ गरेर भए पनि ओलीलाई असफल बनाउनुपर्ने मत अघि सारेका छन् । एमालेको खनाल–नेपाल समूहले प्रतिनिधिसभामा आफूहरुको ३५ देखि ४० सांसद रहेको दाबी गर्दै आएका छन् ।

    प्रतिनिधिसभामा एमालेका १२१ सांसद छन् । ओलीले विश्वासको मत पाउने र नपाउनेमा खनाल–नेपाल समूहको भूमिका निर्णायक देखिन्छ । आफ्नो पार्टीको पुरैसहित अरु १५ मत लिन सकेको खण्डमा मात्रै प्रधानमन्त्री ओली विश्वासको मत लिन सफल हुने देखिन्छ ।

    नेकपा एमालेका सबै सांसदले विश्वासको मत दिएको अवस्थामा प्रधानमन्त्री ओलीले जसपाको महन्थ ठाकुर समूहको मात्रै समर्थन लिए पुग्ने देखिन्छ । अध्यक्ष ठाकुरले ओलीलाई विश्वासको मत दिन हस्ताक्षर अभियान नै चलाउनुभएको छ ।

    तर, खनाल–नेपाल समूह जसरी पनि ओलीलाई असफल बनाउने रणनीतिमा रहेकोले विश्वासको मत लिन त्यति सजिलो छैन ।

    यस्तै विश्वासको मत लिनबाट प्रधानमन्त्री ओलीलाई असफल बनाउने रणनीतिसहित नेपाली कांग्रेस र माओवादी केन्द्रसहितका अरु दलले गृहकार्य सुरु गरिसकेका छन् । माओवादी केन्द्रले विश्वासको मत लिने कदमलाई शंकाको घेरामा राखेको छ ।

    प्रधानमन्त्री ओलीले २७ गते विश्वासको मत लिन नसकेको खण्डमा सबैभन्दा ठूलो दलको हैसियतमा फेरि पनि राष्ट्रपतिबाट सपथ ग्रहण गर्ने सम्भावना पनि उत्तिकै बलियो छ ।

    विश्वासको मत पुगेन भने तत्काल एमाले संसदीय दलको बैठक बस्ने र संविधानको धारा ७६ को उपधारा ३ अनुसार ठूलो दलको हैसियतले राष्ट्रपतिसमक्ष दाबी प्रस्तुत गर्ने अनि केही घण्टामै प्रधानमन्त्री नियुक्त हुने र शपथग्रहणको कार्यक्रम तय हुन सक्ने सम्भावना छ । यो अभ्यास लुम्बिनी प्रदेशमा भैसकेको छ ।

    प्रतिनिधिसभामा अहिले २६७ सांसदमध्ये नेकपा एमालेका १२१, नेपाली कांग्रेसका ६१, माओवादीका ४९, जसपाका ३२ र राप्रपा, जनमोर्चा र नेपाल मजदुर किसान पार्टीका १/१ सांद रहेका छन् भने एकजना स्वतन्त्र सांसद रहेका छन् । विश्वासको मत लिनका लागि प्रधानमन्त्री ओलीलाई १३६ मत आवश्यक पर्छ ।
     

    अन्तिम अपडेट: बैशाख २२, २०७८

  • २२ बैशाख २०७८, बुधबार प्रकाशित

  • Nabintech