ब्रेकिङ

मृगौला पिडितलाई आर्थिक सहयोग

मङ्सिरः वैवाहिक महिना

लुम्बिनी प्रदेश सरकारले बुटवलबाट मन्त्रालयहरु दाङ सार्न खोजेको भन्दै कर्मचारीहरू भए आन्दोलित

 संघीय निर्वाचन: निराशा भित्रको आशा र आगामी चुनावमा ठूला दललाई चुनौती

परिवर्तनको एक वाणि युवा पुस्ता

रोजगार ईन्स्टिच्युटद्वारा विद्यार्थी सम्मान तथा स्वागत कार्यक्रम सम्पन्न ।

विश्वकप फुटबल नेपाली दर्शकले हेर्न नपाउने सम्भावना

भारतको दिल्लीमा वायु प्रदूषणका कारण स्वास्थ्य सङ्कटकाल : प्राथमिक विद्यालय बन्द

खेलाडीलाई निशुल्क स्वास्थ्य विमा,अशक्त तथा ज्येष्ठ खेलाडीलाई निर्वाह भत्ता कार्यक्रम ल्याउने एमाले उपाध्यक्ष विष्णुप्रसाद पाैडेलकाे प्रतिवद्धता

१० तीन लाख बराबरको पुरस्कार वितरण गर्दै सार्वजनिक गर्याे अक्सफोर्ड मा.वि ले प्रथम त्रैमासिक परीक्षाको नतिजा ।

अहिलेसम्म २५ लाख नेपालीले पाए कोरोनाको खोप, ७ लाख डोज खोप मौज्दातमा
  • हजुरकाे पाेष्ट

  • काठमाण्डौ –
    अहिलेसम्म कोरोना भाइरसविरुद्धको २५ लाख डोज खोप लगाइसकिएको स्वास्थ्य तथा जनसंख्या मन्त्रालयले जनाएको छ । अहिलेसम्म ३२ लाख ४८ हजार मात्रा खोप आइसकेको र नेपालमा २५ लाख जनसंख्याले कोरोनाविरुद्धको खोप पाएका मन्त्रालयका सह–प्रवक्ता डा. समीर कुमार अधिकारीले जानकारी दिनुभयो ।

    उहाँका अनुसार भारत सरकारले उपहारस्वरुप दिएको कोभिशिल्ड खोप १० लाख डोज, भारत सरकारसँग खरिद गरिएको कोभिशिल्ड खोप १० लाख डोज, कोभ्याक्स सुविधा अन्र्तगत ३ लाख ४८ हजार डोज र नेपाली सेनालाई प्राप्त १ लाख डोज गरी २४ लाख ४८ हजार डोज कोभिशिल्ड खोप प्राप्त भएको र चीनबाट ८ लाख डोज भेरोसेल खोप गरी जम्मा ३२ लाख ४८ डोज खोप प्राप्त भएको हो । त्यसमध्ये २५ लाख डोज खोप लगाइसकिएको छ । मौज्दातमा ७ लाख डोज खोप रहेको र भेरोसेल खोप लगाउन शुरु गरिएको उहाँले जानकारी दिनुभयो ।

    भारतसँग २० लाख डोज खोप खरिद गरेको भए पनि १० लाख मात्रै आएको र १० लाख डोज आउन बाँकी रहेको उहाँले जानकारी दिनुभयो । भारतसँग छलफल भइरहेको र छिट्टै खोप आउने उहाँको भनाई छ । स्पुतनिक भि खोप लगायतका अन्य खोपहरु ल्याउने सम्बन्धमा समन्वय तथा कुराकानी भैरहेको सह–प्रवक्ता अधिकारीले जानकारी दिनुभयो ।

    गएको चैत २५ गतेदेखि वैशाख १५ गतेसम्म भेरोसेल खोपको पहिलो मात्रा लगाएकाहरुलाई काठमाण्डौ र ललितपुर महानगरले भोलिदेखि दोस्रो डोज लगाउन सुरु गर्दैछन् । १८ देखि ५९ वर्ष उमेर समूहका नागरिकले खोपको पहिलो डोज लिएका थिए ।

    यस्तै कोरोना भाइरसको सङक्रमण बढिरहेको बेला देशभरी ९० वटा प्रयोगशालाबाट पीसीआर परिक्षण भइरहेको छ । अहिले एन्टीजेन परिक्षणमा पोजेटिभ देखिएका र कन्ट्याक्ट ट्रेसिङ्गमा परेकाको पीसीआर परीक्षण भइरहेको स्वास्थ्य मन्त्रालयले जनाएको छ ।

    सह–प्रवक्ता अधिकारीले अस्पताल तथा प्रयोगशालालाई आवश्यक स्वास्थ्य सामाग्री तीन महिनालाई पुग्ने मौज्दात रहेको बताउनुभयो । मौज्दातमा रहेका स्वास्थ्य सामग्री प्रयोग हुँदै गर्दा थप उपचारका सामाग्री सहयोगका लागि बिभिन्न निकाय तथा दाताहरुसँग पत्राचार गरिएको पनि उहाँले बताउनुभयो ।

  • १ जेष्ठ २०७८, शनिबार प्रकाशित

  • Nabintech