ब्रेकिङ
भारतका २४ राज्यमा कोरोना भाइरसको सङ्क्रमण घट्यो, निको हुनेको सङ्ख्या पनि बढ्दै
  • हजुरकाे पाेष्ट

  • १४ जेठ,काठमाण्डाै – भारतका २४ राज्यमा कोरोना भाइरसबाट सङ्क्रमित हुनेको सङ्ख्या केही घट्न थालेको छ ।  केन्द्रीय स्वास्थ्य मन्त्रालयले सार्वजनिक गरेको सङ्क्रमितहरुको विवरणमा २४ राज्यमा सङ्क्रमितहरुको सङ्ख्या घट्दै गएको उल्लेख गरिएको छ ।

    पछिल्लो एक हप्तामा सङ्क्रमितको सङ्ख्या घट्दै गएको देखिएको सरकारी अधिकारीहरुले बताएका छन् ।  कोरोनामुक्त हुनेको सङ्ख्या पनि झण्डै ९० प्रतिशत पुगेको उनीहरुले बताएका छन् । २४ मध्ये १५ राज्यमा दैनिक एक हजारदेखि पाँच हजारसम्म सङ्क्रमित हुने गरेका छन् ।

    देशका १३ राज्यमा एक हजारभन्दा कम सङ्क्रमित हुने गरेको सरकारी अधिकारीहरुले जानकारी दिएका छन् ।  दैनिक सङ्क्रमित भएकाहरुको सङ्ख्या घट्दै जानु र सङ्क्रमणमुक्त भएकाहरुको सङ्ख्या बढ्दै जानुले महामारी कम हुँदै गएको सकारात्मक सङ्केत देखिएको अधिकारीहरुको भनाइ छ ।

  • १४ जेष्ठ २०७८, शुक्रबार प्रकाशित

  • Nabintech