ब्रेकिङ

मृगौला पिडितलाई आर्थिक सहयोग

मङ्सिरः वैवाहिक महिना

लुम्बिनी प्रदेश सरकारले बुटवलबाट मन्त्रालयहरु दाङ सार्न खोजेको भन्दै कर्मचारीहरू भए आन्दोलित

 संघीय निर्वाचन: निराशा भित्रको आशा र आगामी चुनावमा ठूला दललाई चुनौती

परिवर्तनको एक वाणि युवा पुस्ता

रोजगार ईन्स्टिच्युटद्वारा विद्यार्थी सम्मान तथा स्वागत कार्यक्रम सम्पन्न ।

विश्वकप फुटबल नेपाली दर्शकले हेर्न नपाउने सम्भावना

भारतको दिल्लीमा वायु प्रदूषणका कारण स्वास्थ्य सङ्कटकाल : प्राथमिक विद्यालय बन्द

खेलाडीलाई निशुल्क स्वास्थ्य विमा,अशक्त तथा ज्येष्ठ खेलाडीलाई निर्वाह भत्ता कार्यक्रम ल्याउने एमाले उपाध्यक्ष विष्णुप्रसाद पाैडेलकाे प्रतिवद्धता

१० तीन लाख बराबरको पुरस्कार वितरण गर्दै सार्वजनिक गर्याे अक्सफोर्ड मा.वि ले प्रथम त्रैमासिक परीक्षाको नतिजा ।

लोक सेवा आयोग कमलपोखरी सर्दै, तयार भयो नयाँ भवन
  • हजुरकाे पाेष्ट

  • १५ असार, काठमाडौं । लोक सेवा आयोगको केन्द्रीय कार्यालय साउन महिनादेखि कमलपोखरीमा निर्मित नयाँ भवनमा सर्ने भएको छ ।

    स्वास्थ्य सेवाको नवौं तह र न्याय सेवाको राजपत्रांकित तृतीय श्रेणीको अन्तरवार्ता परीक्षा साउन ३ गतेदेखि कमलपोखरीमा निर्मित आयोगको नयाँ भवनमा निर्धारण गरिसकिएको छ ।

    राष्ट्रिय पुनर्निर्माण प्राधिकरणको आयोजना कार्यान्वयन इकाइमार्फत ७२ करोड २३ लाख रुपैयाँ लागतमा लोक सेवा आयोगको नयाँ भवन निर्माण गरिएको छ ।

    लोक सेवा आयोगका अध्यक्ष माधव प्रसाद रेग्मीले भने, ‘साउन ३ गतेको अन्तरवार्ता नयाँ कार्यालयमा गर्ने सूचना प्रकाशित भइसकेको छ, त्यसअघि नै हामी कमलपोखरीमा सर्छौं ।’

    लोक सेवा आयोगको केन्द्रीय कार्यालय पहिले कमलपोखरीस्थित आफ्नै जग्गामा थियो । त्यहाँको राणाकालीन भवन युवा तथा खेलकुद मन्त्रालयले प्रयोग गरेपछि लोक सेवा आयोग अनामनगरस्थित कार्यालयमा सरेको थियो । २०७२ को गोरखा भूकम्पमा कमलपोखरीको त्यो पुरानो भवन भत्किएको थियो ।

    त्यसपछि २०७४ चैत ५ गते तीन वर्षे निर्माण सम्झौता गरिएको थियो । लकडाउन लगायतका समस्याले तोकिएको अवधिमा काम नसकिएको भन्दै पुनः ३ महिना म्याद थपिएको थियो । निर्माण सम्झौताको त्यो म्याद यही असार २५ गते सकिंदै छ ।

    यद्यपि लोक सेवा आयोगका तत्कालीन अध्यक्ष उमेश प्रसाद मैनालीले गत फागुनमै नयाँ भवन उदघाटन गरेका थिए ।

    यस्तो छ विशेषता

    आयोजना कार्यान्वयन इकाइले दिएको जानकारी अनुसार लोक सेवा आयोगको नयाँ भवन अन्डरग्राउण्डसहित ८ तलाको छ । अन्डरग्राउण्ड मात्रै दुई तलाको छ । भूकम्प प्रतितिरोधी सो भवनले १२०२.४८ वर्गमिटर क्षेत्रफल ओगटेको छ ।

    मूल भवनमा अध्यक्ष र सदस्यहरुको कार्यकक्ष, पुस्तकालय, अडिटोरियम हल लगायत छन् । ६० वटा कार र १ सय वटा मोटरसाइकल अट्ने क्षमताको पार्किङस्थल छ । कार्यालय परिसरमा मूल भवनबाहेक सुरक्षाकर्मी र क्यान्टिन ब्लक छुट्टै निर्माण गरिएको छ ।

    अनामनगरको भवनमा काठमाडौं कार्यालय

    आयोगको केन्द्रीय कार्यालय कमलपोखरीमा सरेपछि अनामनगरस्थित भवनबाट लोक सेवा आयोगको काठमाडौं कार्यालय सन्चालन गर्ने निर्णय यसअघि मैनाली नेतृत्वको आयोगले गरिसकेको छ ।

    सो निर्णय अनुसार अनामनगरको तल्लो तला काठमाडौं कार्यालयले प्रयोग गरिसकेको छ । यद्यपि ग्राउण्ड फ्लोरमा साँघुरो भएकाले अब माथिल्ला तलामा काठमाडौं कार्यालय सर्ने छ ।

    केन्द्रीय कार्यालय कमलपोखरीमा सरे पनि त्यसका केही शाखा भने अनामनगरमै रहने छन् । आयोगका तत्कालीन अध्यक्ष मैनालीका अनुसारसुरक्षा निकाय र सार्वजनिक संस्थान महाशाखा अनामनगरकै भवनमा रहने छन् भने ग्राउण्ड फ्लोर पूरैलाई परीक्षा सन्चालन गर्ने हल बनाइने निर्णय भएको छ ।

    मैनालीले भने, ‘अहिले साना–साना परीक्षा लिन पनि स्कुलहरुका कक्षा कोठा भाडामा लिनुपर्ने बाध्यता छ । त्यसैले ग्राउण्ड फ्लोरमा पूरै हल बनाउने निर्णय गरेका हौं ताकि पाँच सय÷हजार जनाको परीक्षा लिन अन्त जान नपरोस् ।’

  • १५ असार २०७८, मंगलवार प्रकाशित

  • Nabintech