ब्रेकिङ

मृगौला पिडितलाई आर्थिक सहयोग

मङ्सिरः वैवाहिक महिना

लुम्बिनी प्रदेश सरकारले बुटवलबाट मन्त्रालयहरु दाङ सार्न खोजेको भन्दै कर्मचारीहरू भए आन्दोलित

 संघीय निर्वाचन: निराशा भित्रको आशा र आगामी चुनावमा ठूला दललाई चुनौती

परिवर्तनको एक वाणि युवा पुस्ता

रोजगार ईन्स्टिच्युटद्वारा विद्यार्थी सम्मान तथा स्वागत कार्यक्रम सम्पन्न ।

विश्वकप फुटबल नेपाली दर्शकले हेर्न नपाउने सम्भावना

भारतको दिल्लीमा वायु प्रदूषणका कारण स्वास्थ्य सङ्कटकाल : प्राथमिक विद्यालय बन्द

खेलाडीलाई निशुल्क स्वास्थ्य विमा,अशक्त तथा ज्येष्ठ खेलाडीलाई निर्वाह भत्ता कार्यक्रम ल्याउने एमाले उपाध्यक्ष विष्णुप्रसाद पाैडेलकाे प्रतिवद्धता

१० तीन लाख बराबरको पुरस्कार वितरण गर्दै सार्वजनिक गर्याे अक्सफोर्ड मा.वि ले प्रथम त्रैमासिक परीक्षाको नतिजा ।

भारतमा काेराेनाकाे डरलाग्दो आँकडा: एक सातामै २५ लाख संक्रमित, १७ हजारको मृत्यु
  • हजुरकाे पाेष्ट

  • एजेन्सी । भारतमा कोरोनाको महामारी दिनदिनै भयावह बन्दै गएको छ । प्रत्येक दिन विश्वमै सबैभन्दा बढी संक्रमित थपिरहेका छन् भने मृत्युदर पनि बढिरहेको छ ।

    भारतीय मिडियाका अनुसार पछिल्लो २४ घन्टाभित्र त्यहाँ ३ लाख २० हजार मानिसहरु संक्रमित भने २ हजार ७ सय ६६ जनाको मृत्यु भयो । तीन लाखभन्दा बढी संक्रमित थपिएको यो लगातार छैठौं दिन हो । यसै गरी २ हजारभन्दा बढी मरेको लगातार सातौं दिन हो ।

    कोरोनाको महामारी सुरु भएयताकै सबैभन्दा डरलाग्दो आँकडा अप्रिलमा देखिएको छ । त्यसमा पनि पछिल्लो सात दिनको आँकडाले झन् अत्याउँछ । अप्रिल महिनामा अहिलेसम्म ३४ हजार ५ सय ९५ जनाले ज्यान गुमाएकोमा तीमध्ये १७ हजार ३ सय ३३ जनाको मृत्यु पछिल्लो सात दिनमा भएको हो ।

    महामारी सुरुभए यता सबैभन्दा बढी मृत्युको रेकर्ड गत वर्षको सेप्टेम्बरमा कायम भएको थियो । तर, त्यसलाई अप्रिलका एक साता बाँकी रहँदै त्यो रेकर्ड तोडिएको छ । यसैगरि, गत मार्च महिनाभन्दा अप्रिलमा ६ गुणा बढीले ज्यान गुमाएका छन् ।

    संक्रमितको संख्या पनि अप्रिलमा उच्च दरले बढेको छ । अप्रिलमा हालसमम ५० लाखभन्दा बढी संक्रमित भइसकेका छन् ।

    आँकडा लुकाएको आरोप
    कोरोना महामारीले विष्फोटक रुप लिएका शीर्ष तीन देशमा भारत पर्छ । मृत्यु हुनेको संख्याका आधारमा हेर्दा अप्रिलमा ब्राजिलपछि भारत दोस्रो र अमेरिका तेस्रो स्थानमा छन् । सरकारी आँकडा अनुसार ब्राजिलमा अप्रिल महिनामै ७५ हजारले ज्यान गुमाएका छन् ।

    तर, भारतले सरकारले सार्वजनिक गर्ने आँकडामा भने प्रश्न उठ्दै आएको छ । सरकारले संक्रियत र मृतकको संख्या वास्तविकभन्दा थोरै देखाइरहेको त्यहाँकै सञ्चारमाध्यमहरुले उल्लेख गरेका छन् । विभिन्न शहरमा पत्रकारहरुले स्थानीय सरकारले सार्वजनिक गरेको संख्या भन्दा १० गुणा बढीको मृत्यु भएको रिपोर्टिङ गरेका छन् ।

    उदाहरणका लागि गत विहीबार कानपुरमा ३२ जनाको मृत्यु भएको आँकडा सरकारले दियो । तर, एक स्थानीय अखबारले शहरका विभिन्न मसानघाटनमा ४ सय ७६ वटा शव जलेको रिपोर्टिङ गरेको थियो, जसमध्ये धेरैजसो कोरोनाबाटै मरेका थिए ।

    अहिल भारतका अस्पतालहरु कोरोनाका बिरामीले भरिभराउ छन् । ती अस्पतालमा बेड र अक्सिजनको हाहाकार उत्पन्न भएको छ ।

  • १४ बैशाख २०७८, मंगलवार प्रकाशित

  • Nabintech