ब्रेकिङ

मृगौला पिडितलाई आर्थिक सहयोग

मङ्सिरः वैवाहिक महिना

लुम्बिनी प्रदेश सरकारले बुटवलबाट मन्त्रालयहरु दाङ सार्न खोजेको भन्दै कर्मचारीहरू भए आन्दोलित

 संघीय निर्वाचन: निराशा भित्रको आशा र आगामी चुनावमा ठूला दललाई चुनौती

परिवर्तनको एक वाणि युवा पुस्ता

रोजगार ईन्स्टिच्युटद्वारा विद्यार्थी सम्मान तथा स्वागत कार्यक्रम सम्पन्न ।

विश्वकप फुटबल नेपाली दर्शकले हेर्न नपाउने सम्भावना

भारतको दिल्लीमा वायु प्रदूषणका कारण स्वास्थ्य सङ्कटकाल : प्राथमिक विद्यालय बन्द

खेलाडीलाई निशुल्क स्वास्थ्य विमा,अशक्त तथा ज्येष्ठ खेलाडीलाई निर्वाह भत्ता कार्यक्रम ल्याउने एमाले उपाध्यक्ष विष्णुप्रसाद पाैडेलकाे प्रतिवद्धता

१० तीन लाख बराबरको पुरस्कार वितरण गर्दै सार्वजनिक गर्याे अक्सफोर्ड मा.वि ले प्रथम त्रैमासिक परीक्षाको नतिजा ।

गण्डकीमा एमाले नेतृत्वको सरकारको छिनोफानो आजै
  • हजुरकाे पाेष्ट

  • गण्डकी प्रदेश सरकारका मुख्यमन्त्री पृथ्वीसुब्बा गुरुङ नेतृत्वको सरकार रहने वा नरहने छिनोफानो बुधबार नै हुने भएको छ ।

    वैशाख २ गते गण्डकी प्रदेशसभा सचिवालयमा दर्ता भएर १३ गते सदनमा पेश भएको अविश्वासको प्रस्ताव बुधबार नै निर्णायार्थ पेश गर्ने कार्यसूची छ ।

    नेपाली कांग्रेस, नेकपा माओवादी केन्द्र र जनता समाजवादी पार्टीका २५ जना सांसदले अविश्वासको प्रस्तावमा हस्ताक्षर गरेका छन् । १३ गते विपक्षी दलका तर्फबाट मुख्यमन्त्रीका प्रस्तावक कृष्णचन्द्र नेपालीले अविश्वासको प्रस्ताव पेश गरेपछि बुधबार दिउँसो प्रदेशसभामा सो विषयमा छलफल चलिरहेको छ ।

    विशेष अधिवेशनको पहिलो बैठकमा कोरोना माहामारीमा सांसदको पिसिआर परीक्षण नगरिएको भन्दै ध्यानाकर्षण गराएको सत्तारुढ दल एमालेले मंगलबार यही विषयमा बैठक अवरुद्ध नै गरेको थियो ।

    सांसदको कोरोना परीक्षण रिपोर्टपछि मात्रै बैठक गर्ने गरी स्वाब परीक्षण गरिएको थियो । परीक्षणमा एमालेका सांसद राजीव पहारी, प्रभा कोइराला र कांग्रेस सांसद मनकुमारी गुरुङलाई कोरोना पोजेटिभ देखिएको छ । कोरोना पोजेटिभ देखिए पनि सांसदलाई बोल्ने समय दिइने छैन भने मतदानमा सहभागी भने हुने छन् ।

    अविश्वासको प्रस्तावको छलफलका क्रममा सांसदले उठाएको प्रश्नको मुख्यमन्त्री गुरुङले जवाफ दिएपछि निर्णयार्थ पेश गर्ने कार्यसूची छ । कांग्रेस, माओवादी केन्द्र र जसपा मिलेर अविश्वासको प्रस्ताव दर्ता गर्न लागेको थाहा पाउनेवित्तिकै वैशाख १ गते मध्यरातमा मुख्यमन्त्री गुरुङले प्रदेशसभाको अधिवेशन नै अन्त्य गराएका थिए ।

    अविश्वासको प्रस्ताव दर्ता गराएलगत्तै प्रदेश प्रमुखको कार्यालयमा दलहरुले विशेष अधिवशेनको माग गर्दै निवेदन दिएका थिए ।

    मुख्यमन्त्रीको सिफारिसलाई मध्यरातमै सदर गरिदिएका प्रदेश प्रमुख अमिक शेरचनले विपक्षीको मागमा पनि १५ दिनभित्र विशेष अधिवेशन बोलाउने संसदीय अभ्यासअनुसारै १३ गतेका लागि बोलाएका थिए । विपक्षी दलले वैशाख १३ गते नै छिनोफानो गर्ने सोच बनाएको भए पनि सत्तारुढ दलले लम्ब्याउन प्रस्ताव गरेको थियो ।

    अविश्वासको प्रस्तावलाई तलमाथि हुन नदिन कांग्रेस, माओवादी र जसपाका सांसदलाई रिसोर्टमा राखिएको छ ।

    अविश्वासको प्रस्ताव दर्ता गराएका कांग्रेसका १५ र माओवादी केन्द्रका १२ सांसदमध्ये एक जना सभामुख भएकाले ११ जनाले मत हाल्ने छन् । जनता समाजवादीका २ र जनमोर्चाका ३ सांसदले पनि अविश्वासको प्रस्तावमा मतदान गर्ने बताइरहेका छन् ।

    सत्तारुढ नेकपा एमालेका २७ सांसद छन् भने मनाङबाट निर्वाचित दीपक मनाङ्गे स्वतन्त्र सांसद छन् ।

  • १५ बैशाख २०७८, बुधबार प्रकाशित

  • Nabintech