ब्रेकिङ

फुट्ने भयो जसपा, अलग हुन बाबुराम र उपेन्द्र सहमत

रुससँग लड्न थप सहयोग माग

८ वर्षपछि नेपाल फर्किए अरुणिमा लम्साल

निजगढमा विमानस्थल बनाउने कि नबनाउने : न्यायाधीशहरुबीच बाझियो मत (पूर्णपाठ)

नागरिकता सम्बन्धी विधेयक पारित गर्न उच्च तहमा छलफल भइरहेको छ : गृहमन्त्री खाँण

अनावश्यक ढंगले जमिन प्लटिङ गर्दा अन्नबाली उत्पादनमा कमी आउन थाल्यो : ओली

माधव नेपाललाई योगेश भट्टराईको शुभकामना- २ सय वर्ष बाच्नु, सधैँ पदमा रहनु

युक्रेन युद्धयता पुटिन पहिलोपल्ट विदेश यात्रामा

नवनियुक्त ४ मन्त्री र एक राज्यमन्त्रीले लिए शपथ

१० निवर्तमान श्रममन्त्री श्रेष्ठले भने– माननीय छँदैछु अर्को मन्त्री हुन सकिएला

विश्वकै सर्वाधिक उचाइमा कन्सर्ट गरेर राजु लामाले राखे विश्व कीर्तिमान
  • हजुरकाे पाेष्ट

  • काठमाडौं । जलवायु परिवर्तनको असरबारे सन्देश दिन गायक राजु लामाले ६ हजार ५७४ मिटर उचाइमा कन्सर्ट गरेका छन् । सगरमाथाको क्याम्प-३ पुगेर लामाले मंगोलियन हार्ट ब्याण्डका चर्चित गीतहरु गाए ।

    जलवायु परिवर्तनको संकटले हिमाल र हिमनदी पग्लिएको, तटीय क्षेत्रका बासिन्दाको जनजीवन र संस्कृति संकटमा परेको, बाढीपहिरो जस्ता प्राकृतिक विपद्ले जोखिम ल्याएकोबारे सन्देश दिन कन्सर्ट गरेको राजुले बताए ।

    राजुको यो कन्सर्ट सबैभन्दा उचाइमा गरिएको सांगीतिक कार्यक्रम समेत हो । यसअघि बेलायती गायक ओज बेल्डोनले १६ मे २०१२ मा मेरापिक हिमालको ६ हजार ४७६ मिटर उचाइमा कन्सर्टको गिनिज विश्व रेकर्ड राखेका थिए ।

    मंगोलियन हार्टको यो कन्सर्टसँगै बेलायती गायकको अघिल्लो कीर्तिमान पनि तोडिएको छ ।

    ‘मेरा लागि कीर्तिमान सेकेण्डरी हो । मुख्य कुरा जलवायु संकटविरुद्धको सन्देश दिन मैले कन्सर्ट गरेको हुँ,’ सगरमाथा आधार शिविरबाट राजुले अनलाइनखबरसँग भने, ‘सानो काम नै किन नहोस्, पृथ्वीलाई भावी सन्ततिको लागि बाँच्ने राम्रो ग्रहको रुपमा हामीले विकास गर्नुपर्छ ।’

    ग्लोबल वार्मिङ र जलवायु परिवर्तनजस्ता संकट सिर्जना हुनुमा १० प्रतिशत मानवीय प्रवृत्ति जिम्मेवार रहेको उनले बताए । ‘व्यक्तिगत रुपमा कार्बन उत्सर्जनलाई घटाएर हिमाल जोगाउने र सन्देश दिने मेरो उद्देश्य हो,’ उनले भने ।

    गिटार लिएर क्याम्प-३ पुगेका राजुले त्यहाँ रिलिज नभइसकेको आफ्नो नयाँ गीत ‘हिमालले डाक्यो मलाई’ गाए । सार्वजनिक नभइसकेको यो गीतलाई रिलिज गर्ने तयारी भइरहेको र ८० प्रतिशत भिडियो छायांकन भइसकेको उनले जानकारी दिए ।

    यो गीतले जलवायु परिवर्तनविरुद्धको सन्देश दिने लामा बताउँछन् । उक्त कन्सर्टमा राजुले ब्याण्डका अन्य चर्चित गीत पनि गाएका थिए । ‘यो उचाइमा गाउन त धेरै गाह्रो भएन हल्का सास फेर्न कठिन भयो,’ उनले भने, ‘किनभने मेरा गीतहरु तानेर गाउनुपर्ने छन् । हल्का ब्रेक गर्दै गाएँ ।’

    राजु अहिले सगरमाथा चुचुरोमा पुग्ने अभियानमा छन् । साउथ पोलमा शेर्पाहरुले बाटो बनाएपछि आफू त्यसतर्फ अघि बढ्ने उनको योजना छ । उनले शेर्पाहरुको योगदानप्रति समेत आभार व्यक्त गरे ।

    ‘मैले शेर्पाहरुको योगदान सुनेको मात्र थिएँ, तर अहिले आँखाले देखें,’ उनले भने । सगरमाथा आरोहणपछि फर्किएर वृक्षारोपण अभियानमा सहभागी हुने राजुको योजना छ ।

    तस्वीर : राजु लामाबाट प्राप्त

  • २० बैशाख २०७९, मंगलवार प्रकाशित

  • Nabintech