ब्रेकिङ
प्रधानमन्त्री हुँदा ५६ हजार हस्ताक्षर गरे, औँलामा ठेला उठ्यो : ओली
  • हजुरकाे पाेष्ट

  • काठमाडाैं । नेकपा एमालेका अध्यक्ष केपी शर्मा ओलीले प्रधानमन्त्री अवधिभर झण्डै ५६ हजार मुद्धा मामिलासम्बन्धी हस्ताक्षर गरेको बताएका छन् ।

    सोमबार सम्पादकहरुसँगको अन्र्तक्रियामा उनले प्रधानमन्त्री अवधिभर ५६ हजार मुद्धा मामिलामा हस्ताक्षर गरेर औँलामा ठेला नै उठेको बताए ।

    उनले भने, ‘५, ७ जना वकिल प्रधानमन्त्री कार्यायलमा वकिल राखेको छ । बिहानदेखि बेलुकीसम्म त्यहिँ काममा लाग्या छ । प्रधानमन्त्री हुँदा ५५/५६ हजार सिग्नेचर मुद्धाको मामिला गर्नुपर्यो । यहाँनिर ठेला उठेको छ । कम्प्युटरले सिग्नेचर गर्दैन, टाइप गर्छ, आफैँले गर्नुपर्यो नि । सिग्नेचरमात्रै गर्दा पनि औँलामा ठेला उठेको छ ।’

    संसद विघटन गर्दाको क्षणलाई सम्झिँदै अध्यक्ष ओलीले संसद् नगई सर्वाेच्च गएको विषयमा रोस प्रकट गरे । उनले भने, ‘प्रधानमन्त्रीसमेत यस्तो हालत बनाएपछि..। यो देश त कस्तो हो भने कहिले राष्ट्रपतिकहाँ पुग्छन् त कहिले सर्वाेच्च अदालत पुग्छन् । संसदमा आएर टाउँका गने भैगो नि त ।’

  • २७ असार २०७९, सोमबार प्रकाशित

  • Nabintech