फागुन २१ काठमाडौं । लगातार पाँचौं दिन पनि घटेको नेप्से परिसूचक ८८ दशमलव ९४ अंक तल झरेको छ । पछिल्लो समय निरन्तर बजार घटिरहँदा बजारमा विक्री चाप बढेको देखिन्छ ।
साताको पहिलो कारोबार दिन पनि नेप्से परिसूचक ३० दशमलव ७७ अंक १ हजार ९३८ दशमलव २५ विन्दुमा कायम भएको छ । यस दिन कारोबारमा आएका २५९ धितोपत्रको ३८ लाख ३२ हजार ४५९ कित्ता ३० हजार ९०३ पटकमा रू. १ अर्ब ३९ करोड बराबर खरीदविक्री भएको छ ।
आइतवार कारोबारमा आएका धितोपत्रमध्ये सुपर मादी हाइड्रोपावरको शेयर मूल्य १० प्रतिशत वृद्धि भएसँगै सकारात्मक सर्किट लागेको हो । कम्पनीको शेयर मूल्य प्रतिकित्ता रू. ३२८ दशमलव ९० पुगेको छ । त्यस्तै दोस्रोमा युनिक नेपाल लघुवित्त वित्तीय संस्थाको शेयर मूल्य ४ प्रतिशत बढेर रू. १ हजार ७० दशमलव ६० पुगेको छ ।
आज सामलिङ्ग पावर कम्पनीका शेयरधनीले सर्वाधिक गुमाएका छन् । कम्पनीको शेयर मूल्य १० प्रतिशत घटेर प्रतिकित्ता रू. ५१३ मा झरेको छ । त्यस्तै दोस्रोमा आदर्श लघुवित्तको शेयर मूल्य ७ दशमलव ५४ प्रतिशत घटेर रू. १ हजार ४७२ कायम भएको छ ।
यस दिन हिमालयन डिष्टिलरीको सर्वाधिक शेयर खरीदविक्री रू. ८ करोड ४४ लाख बराबरको भएको छ । कम्पनीको शेयर मूल्य प्रतिकित्ता रू.२ हजार ९४ कायम भएको छ । त्यस्तै सर्वाधिक शेयर खरीदविक्री हुने दोस्रोमा शिवम् सिमेन्टको रू. ५ करोड ४८ लाख बराबर कारोबार भएको छ ।
आज कारोबारमा आएका १३ ओटै समूहको परिसूचक घटेको छ । सबैभन्दा बढी उत्पादन तथा प्रशोधन समूहको सूचक ३ दशमलव शून्य ३ प्रतिशत घटेको छ ।
