तिलोत्तमा,माघ १२
होराइजन गौतम बुद्ध मा.वि.ड्राइभरटोल रुपन्देहीमा खाना महोत्सव, नतिजा प्रकाशन, सिङ्गिङ् आइडल तथा नृत्य प्रतियोगिता कार्यक्रम सम्पन्न भएको छ । कक्षा ६ देखि कक्षा ९ सम्म अध्ययनरत विद्यार्थीहरुले खाना महोत्सव कार्यक्रम आयोजना गरेका हुन् भने विद्यालयद्वारा सिङ्गिङ् आइडल तथा नृत्य प्रतियोगिता, दोस्रो त्रैमासिक परीक्षाको नतिजा प्रकाशन, पुरस्कार वितरण र अभिभावक भेला आयोजना गरिएको थियोे ।
होराइजन गौतम बुद्ध मा.वि.का अध्यक्ष ज्ञानेन्द्र प्रसाद कसजू श्रेष्ठको सभाध्यक्षता रहेको कार्यक्रममा तिलोत्तमा नगरपालिका नगर कार्यपालिकाको कार्यालय, रुपन्देहीका शिक्षा शाखा प्रमुख गंगाराम आचार्यको प्रमुख आतिथ्यता रहेको थियो । उक्त कार्यक्रममा न्यु होराइजन इ.बो.मा.वि.मातृसंस्थाका प्राचार्य लोकनाथ उपाध्याय विशिष्ट अतिथिका रूपमा रहनु भएको थियो । कार्यक्रममा विद्यालय सञ्चालक समितिका पदाधिकारी महेन्द्र आमात्य,प्रदिप अर्याल, विद्यालयका शैक्षिक निर्देशक जीवनाथ भण्डारी, सञ्चालक प्रकाश घिमिरे,लक्ष्मण गौतम,संयोजक रुद्र भुसाल, अभिभावक, शिक्षक, प्राध्यापकहरूकाे उपस्थिति रहेको थियो ।
विद्यालयका उपप्राचार्य ज्ञानेश्वर ज्ञवालीको स्वागत मन्तव्य रहेको उक्त कार्यक्रममा प्राचार्य गोपाल प्रसाद आचार्यले कार्यक्रमको औचित्य र उद्देश्यमाथि प्रकाश पार्नु भएको थियो । उहाँले विद्यार्थीहरुलाई पाक कलाको ज्ञान गराउनु, व्यवसायिक सिपको विकास गराउनु, विद्यार्थी, शिक्षक र अभिभावकलाई एक सुत्रमा बाँध्नु र विद्यार्थीहरुको उपलब्धीका सन्दर्भमा जानकारी गराउनु नै कार्यक्रमको उद्देश्य रहेको भन्दै विगत वर्षहरुदेखि नै फुड फेस्टिभल कार्यक्रम गरिंदै आएको कुरा बताउनुभयो । विशिष्ट अतिथिको मन्तव्य राख्दै लोकनाथ उपाध्यायले विद्यार्थी, शिक्षक, अभिभावकको त्रिकोणात्मक सहसम्बन्धले नै सिकाई प्रकृयालाई पूर्णता दिन सकिने बताउँदै तीन ओटै पक्षलाई जोडेर गरिएको कार्यक्रम उत्कृष्ट रहेको कुरा बताउनुभयो ।
प्रमुख अतिथिको मन्तव्य राख्दै तिलोत्तमा नगरपालिका शिक्षा विभाग प्रमुख गंगाराम आचार्यले विद्यार्थीहरुको प्रतिभा पहिचान गर्ने, उत्प्रेरणा दिने, व्यवहारिक सिपको विकास गराउने, र अभिभावकलाई फिड व्याक दिने उद्देश्यका साथ गरिएका कार्यक्रमहरु अनुशरणीय रहेको भन्दै यस्ता सिर्जनात्मक कार्यक्रमहरु राख्दै जानुपर्ने कुरा बताउनु भयो । उहाँले होराइजन गौतम बुद्ध स्कुलले राष्ट्रिय रुपमा उत्कृट पहिचान बनाउन सफल भएको हुँदा तिलोत्तमा नगरपालिकाको महŒवपूर्ण गहनाका रुपमा यस विद्यालयको स्थान रहेको कुरा बताउनुभयो ।
कार्यक्रमका सभाध्यक्ष ज्ञानेन्द्र ज्ञानेन्द्र प्रसाद कसजु श्रेष्ठले स्वस्थ भोजन नै स्वस्थ जीवनको आधार हो, विद्यार्थीहरु हाम्रा अनुल्य सम्पत्ती हुन् त्यसैले विद्यार्थीहरुलाई अभिभावकहरुले समेत उचित वातावरण दिनुपर्ने कुरामा जोड दिनुभयो । साथै विद्यार्थीहरुको प्रतिभा प्रस्फुटन गर्नका लागि विद्यालयले यस्ता सिर्जनात्मक कार्यक्रमहरुलाई निरन्तरता दिंदै जाने बताउनुभयो ।
खाना महोत्सवलाई सफल बनाउनका लागि प्रमोद नेपालको संयोजकत्वमा विभिन्न उपसमिति बनाई खानाका विभिन्न परिकारहरु बनाइएको थियो । उक्त कार्यक्रममा विभिन्न परिकारका १२ वटा स्टलहरु लगाइएको थियो । महोत्सवमा विद्यार्थीहरुले मम,चाउमिन, ललिपप, सेल रोटी,अचार,पकौडा, बटुक,चाट– फुल्की, कफि, चिया,चटपट,खिर लगायतका परिकार बनाएका थिए भने आफूले बनाएका परिकारहरुको उचित मूल्य राखी विक्री वितरण समेत गरेका थिए ।
यसैगरी विद्यालयमा दोस्रो त्रैमासिक परीक्षाको नतिजा प्रकाशन र पुरस्कार वितरण कार्यक्रम पनि गरिएको थियो । प्रि नर्सरीदेखि कक्षा १० सम्म अध्ययनरत हरेक कक्षा र सेक्सनबाट प्रथम,द्वितीय एवम् तृतीय स्थान हासिल गर्ने विद्यार्थीहरुलाई पुरस्कार वितरण गरिएको थियो । कार्यक्रमको सञ्चालन म्युजिक प्रशिक्षक सुशिल आचार्यले गर्नुभएको थियो ।
प्रतिकृया दिनुहोस्