Web Design In Nepal

देवदहमा मेयरकप वडास्तरीय रनिङ्शिल्ड फुटवल प्रतियोगिता सुरू

फागुण ९, २०८० बुधबार 51

बुटवल,देवदहमा तेश्रो मेयर रनिङ्ग कप वडास्तरीय फुटवल प्रतियोगिता सुरू भएको छ । प्रतियोगिताको एक कार्यक्रमका वीच देवदह नगरपालिका प्रमुख धु्रवप्रसाद खरेल र उपप्रमुख विद्यालक्ष्मी गुरुङ्गले संयुक्त रुपमा उद्घाटन गर्नु भएको हो

प्रतियोगिताको उद्घाटन गर्दै नगर प्रमुख खरेलले हरेक खेललाई प्रवद्र्धन गर्नको लागि आगामी दिन खेल महोत्सवको रुपमा अगाडि बढाउने गरी योजना बढाउने बताउनु भयो । उहाले स्वास्थ्यको लागि खेलकुद आवश्यक रहेको बताउदै हरेक मानिस खेल खेल्न आवश्यक रहेकोमा जोड दिनु भयो । नगर प्रमुख खरेलले नगरको विकासमा खेलकुदको माध्यमबाट युवाहरुलाई जोड्ने गरी नगरपालिका लागिरहेको बताउनु भयो। उहाले देवदह नगरपालिकाले खेलाडी उत्पादन संगै संरक्षणलाई पनि ध्यान दिने बताउनु भयो । उहाले विद्यालय स्तरबाट नै खेलाडी उत्पादन गर्न सकिनेमा जोड दिदै उत्पादीत खेलाडीको उचित संरक्षण गर्न नगरपालिका तयार रहेको बताउनु भयो । उहाले खेलकुदबाट जिविकोपार्जन गर्ने बताउदै खेलाडीहरु अनुशासित र मर्यादीत हुनु पर्नेमा जोड दिनु भयो ।

प्रतियोगितामा १२ टिमको सहभागिता रहेको नगर खेलकुद विकास समितिका संयोजक कमल पाण्डेले जानकारी दिनु भयो । प्रतियोगिताका विजेताले नगद ५१ हजार नगद, उपविजेताले नगद ३१ हजार नगद, ट्रफी प्राप्त गर्ने संयोजक पाण्डेले जानकारी दिनु भयो ।नगर खेलकुद विकास समितिका संयोजक कमल पाण्डेको अध्यक्षतामा भएको कार्यक्रममा उपप्रमुख विद्यालक्ष्मी गुरुङ्ग, प्रमुख प्रशासकीय अधिकृत कृष्णप्रसाद सापकोटा, नगर प्रवक्ता गणेश डुम्रे, वडाअध्यक्ष, कार्यपालिका सदस्य तथा जनप्रतिनिधिहरुको सहभागिता रहेको थियो ।

प्रतियोगिताको पुर्व सन्ध्यामा देवदह क्षेत्रमा क्रियाशिल सञ्चारकर्मी र नगर खेलकुद विकास समिति वीच मैत्रीपूर्ण फुटवल प्रतियोगिता भएको थियो । मैत्रीपूर्ण खेलमा नगर खेलकुद विकास समितिलाई सून्यका विरुद्ध ४ गोल गर्दै सञ्चारकर्मी विजयी भएको छ । सञ्चारकर्मी टिमका लागि सुरज भट्टराईले २ गोल, पवन पौडेलले १ गोल र नविन लुईटेलले १ गोल गरेका थिए।

प्रतियोगिताको पहिलोका खेल देवदह–९ र देवदह–१२ वीच भएको खेलमा वडा नम्वर १२ विजयी भएको छ । निकै प्रतिस्पधात्मक रहेको खेलमा दुवै टिमले १÷१ गोल गरेक थिए । निर्धारित समयमा दुवै टिमले थप गोल गर्न नसकेपछि खेल ट्राईवेकरमा पुगेको थियो । ट्राईवेरमा ५ का विरुद्ध ६ गोल गर्दै वडा नम्वर १२ दोश्रो चरणमा प्रवेश गरेको छ । खेलमा देवदह–१२, का जर्सी नम्वर ११ का खेलाडी सन्दिप शुस्लिङ्गले एक गोल गरेका थिए भने वडा नम्वर ९ का जर्सी नम्वर २१ क खेलाडी एलिस बोहोराले एक गोल गरेक थिए । यसैगरी दोश्रो खेलमा देवदह–१० विजयी भएको छ । निकै प्रतिस्पर्धात्मक रहेको खेलमा २/२ गोल भएपछि ट्राईवेकरको आधारमा देवदह–१० विजयी भएको हो ।

Author

तपाईलाई यो खबर कस्तो लाग्यो?


प्रतिकृया दिनुहोस्