Web Design In Nepal

अक्सफोर्ड मा.वि बुटवलले आमाहरूलाई सम्मान गर्दै मनायो मातातीर्थ औँसी

बैसाख २६, २०८१ बुधबार 133

बुटवल ,अक्सफोर्ड माध्यमिक विद्यालय बुटवलले पूर्व प्राथमिक तहमा अध्यनरत बालबालिकाका हजुरआमा तथा आमाहरुलाई बुधबार एक कार्यक्रमका बिच सम्मान गरेको छ । बालबालिकाहरुलाई मातातीर्थ औँसीजस्तो विशेष दिनको महत्व तथा सान्दर्भिकता बोध गराउदैँ उनीहरुमा सानैदेखि नै उच्च संस्कारको विकास गराउने उदेश्यले आयोजित विद्यालयका अध्यक्ष दुर्गादत्त भण्डारीले अध्यक्षता तथा बुटवल उपमहानगरपालिका वार्ड नं. ८ का अध्यक्ष यज्ञ प्रसाद पंगेनी प्रमुख आतिथ्यता रहेको थियोे ।विहान १०बजेदेखि सुरु भएको उक्त कार्यक्रममा पूर्व प्राथमिक तहका आमा अभिभावकहरुको उल्लेख्य सहभागिता रहेको थियो । कार्यक्रममा सहभागी आमाहरुले विद्यालयले बालबालिकाहरुमा असल संस्कारी विकास गर्न चाहेको धारणाले निकै नै सकारात्मक असर पार्ने भन्दै खुसी व्यक्त गर्नुभएको थियो ।

विद्यालयका प्राचार्य दिनेश भुसाले विद्यालयले विद्यार्थीहरुको शैक्षिक ,शारिरीक र मानसिक विकासका साथसाथै उनीहरुमा संस्कारी विकासलाई पनि उच्च महत्व दिएको बताउनुभयो । साथैँ उहाँले विद्यार्थीमा कुनै पनि सकारात्मक धारण निर्माण गर्नका लागि उनीहरुलाई सम्झाएर मात्र नपुग्ने यसका लागि व्यवहारिक रुपमा नै सिकाउने कुरामा जोड दिनुभयो ।


कार्यक्रममा विद्यालयका अध्यक्ष दुर्गादत्त भण्डारी,अक्सफोर्ड कलेजका अध्यक्ष अजित खनाल,क्यापस प्रमूख मनोज मरासिनी, विद्यालयका सह प्राचार्य मोहन खनाल क्षेत्री लगायतकाे उपस्थिति रहेको थियो ।कार्यक्रमकाे सञ्चालन प्राध्यापक सुमन भुसालले गर्नुभएको थियोे ।

Author

तपाईलाई यो खबर कस्तो लाग्यो?


प्रतिकृया दिनुहोस्