बुटवल १३,राष्ट्रिय युवा संघ नेपाल लुम्बिनी प्रदेश कमिटीको आयोजनामा सोमबार गौतम बुद्धको मावली गाउँ देवदहमा बृहत वृक्षारोपण कार्यक्रम गर्ने भएको छ । देवहद नगरपालिका वडा नं. ११ स्थित सिक्टहन वनमा ५ हजार विरूवा रोप्ने कार्यक्रम रहेको राष्ट्रिय युवा संघ नेपाल लुम्बिनी प्रदेश कमिटीका अध्यक्ष सुरज खरेलले जानकारी गराए ।
वृक्षारोपण कार्यक्रममा नेकपा एमाले केन्द्रीय पोलिटव्युरो सदस्य तथा राष्ट्रिय युवा संघ नेपालका इन्चार्ज महेश बस्नेतको समेत उपस्थिति रहने खरेलले जानकारी दिए । सित्तलनगर सामुदायिक वनले रोपण गरिने विरुवा उपलब्ध गराउने छ भने देवदह नगरपालिका तथा देवदह नगरपालिका वडा नं.११ ले प्राविधिक सहयोग गर्नेछ ।
अहिलेकाे प्रमुख आवश्यकता पर्यावरणीय संरक्षण रहेको तथा युवाहरूमा सचेतना अभिवृद्धि गराउने उद्देश्यले कार्यक्रमको आयोजना गरिएको खरेलले बताए ।वृक्षरोपण कार्यक्रम साेमबार दिउँसो ३ बजेर ३ मिनेट जादा सुरू गरिने प्रचारविभाग प्रमुख कृष्णप्रसाद पाण्डेले बताए।
प्रतिकृया दिनुहोस्