श्रावण ३२ रूपन्देही
होराइजन गौतम बुद्ध मा.वि.तिलोत्तमा १,ड्राइभरटोलमा एक हप्ते Web Development तालिम सम्पन्नभएको छ । कक्षा ११ मा कम्प्यूटर विषय अध्ययनरत विद्यार्थीहरूलाई लक्षित गर्दै एक हप्तासम्म सञ्चालन भएको HTML, CSS, Java Script / Git Hub तालिमको भव्य समारोहबीच सम्पन्न गरेको हो । विद्यालयका प्राचार्य गोपालप्रसाद आचार्यद्वारा २०८१ श्रावण २७ गते समुद्घाटन गरिएको तालिम श्रावण ३२ गते समापन गरिएको छ । दैनिक ३ सिफट्मा सञ्चालन भएको उक्त कार्यक्रममा २५० बढी विद्यार्थीहरूको सहभागीता रहेको थियो । विद्यार्थीहरुलाई वेभ साइट तयार गर्नका निम्ति आइपर्ने व्यवहारिक सिपको विकास गर्ने गराउने र व्यक्तिगत तथा व्यवसायिक वेभसाइट तयार गर्नका निम्ति सक्षम बनाउने उद्देश्यका साथ उक्त कार्यक्रमको आयोजना गरिएको कुरा प्रोग्राम संयोजक, प्राध्यापक माधव अर्यालले जानकारी दिनुभयो ।
कार्यक्रमलाई गुणस्तरीय र परिणाम मुखी बनाउने उद्देश्यले सोही क्षेत्रका Web Programming विज्ञ, स्किल प्रम्ट कम्पनीका श्री वैजनाथ चौधरी र विशाल थापा स्रोत व्यक्तिका रुपमा रहनुभएको कुरा प्राचार्य गोपालप्रसाद आचार्यले जानकारी दिनुभयो । साथै उहाँले विद्यार्थीहरुलाई विगतका वर्षहरुदेखि नै नेतृत्व ÷व्यक्तित्व विकास तालिम, बैंकिङ् तालिम, लेखा तालिम, शेयर मार्केट तालिम,कम्प्युटर विज्ञान र होटल व्यवस्थापन सम्बन्धी विविध किसिमका तालिम दिईंदै आएको कुरासमेत बताउनुभयो ।
तालिममा सहभागी विद्यार्थीहरुले तालिमबाट आफूहरुलाई धेरै फाइदा भएको र वेभपेज डिजाइन सम्बन्धी कार्यमा अझ उत्सुक बनाएको कुरा बताए भने प्राचार्य गोपालप्रसाद आचार्यले तालिममा सिकेका कुराहरुलाई व्यवहारमा उतार्नुपर्नेतर्फ जोड दिनुभयो । कार्यक्रममा सहभागी सबैलाई प्रमाण पत्र वितरण गरिएको थियो । समापन कार्यक्रममा विद्यालयका उपप्राचार्य इन्द्रप्रसाद भुसाल, संयोजक प्रदीप अर्याल,डा.नारायणप्रसाद पन्थ,अतिरिक्त क्रियाकलाप संयोजक डा. मुरारि पराजुली,कम्प्युटर विषयका प्राध्यापकहरु, स्किल प्रम्टका एम.डी.इञ्जिनियर दिपेन्द्र विष्ट लगायतको उपस्थिति रहेको थियो । समापन कार्यक्रमको सञ्चालन तालिमका संयोजक प्राध्यापक माधव अर्यालले गर्नुभएको थियो ।
प्रतिकृया दिनुहोस्