फागुण २१, २०८१ बुधबार 74
काठमाडौं । अमेरिकाबाट डिपोर्ट गरिएका आठ नेपालीलाई प्रहरीले नियन्त्रणमा लिएको छ ।
विहान करिब १० बजे जीआरपी-२३ विमानबाट अवतरण भएका ती नेपालीलाई प्रहरीको मानव बेचबिखन अनुसन्धान व्युरोले नियन्त्रणमा लिएको हो ।
विदेशबाट कागजात अभावमा फिर्ता ल्याइने अन्य नेपालीसरह उनीहरुमाथि सोधपुछ हुने व्युरोका एसपी रुगमबहादुर कुँवरले बताए । ‘त्यसरी आउने नेपालीलाई सोधपुछ गर्नुपर्ने केही कुरा हुन्छन्, त्यत्तिका लागि ल्याएका हौं’, उनले भने ।
उनीहरु हिरासतमा राखिएका छैनन् । आवश्यक सोधपुछपछि आ-आफ्नो ठाउँमा जान दिइने उनले बताए ।
प्रतिकृया दिनुहोस्