बुटवल । पाल्पाको तिनाउ ड्याम साइटमा डुबेर दुई जना भारतीय किशोर बेपत्ता भएका छन् ।
आइतबार दिउँसो पौडी खेल्ने क्रममा डुबेर भारतको सन्तविरनगर स्थायी घर भएका १७ वर्षीय अमान अन्सारी र १७ वर्षकै फरान अन्सारी बेपत्ता भएको जिल्ला प्रहरी कार्यालय पाल्पाले जनाएको छ ।
कार्यालयका सूचना अधिकारी (डीएसपी) होमप्रकाश चौधरीका अनुसार सात जनाको समूहमा नेपाल घुम्न आएका उनीहरू मध्ये दुई जना तिनाउ ड्याममा पौडी खेल्ने क्रममा डुबेका हुन् । खोजी कार्य जारी रहेको प्रहरीले जनाएको छ ।
