काठमाडौं, ९ असार — Norway ले Senegal लाई ३–२ गोलअन्तरले पराजित गर्दै फिफा विश्वकप २०२६ को नकआउट चरणमा स्थान सुरक्षित गरेको छ। न्यूयोर्क–न्यू जर्सी स्टेडियममा मंगलबार बिहान सम्पन्न खेलमा नर्वेले २८ वर्षपछि विश्वकपको नकआउट चरणमा पुग्ने ऐतिहासिक सफलता हासिल गरेको हो।
नर्वेको जितमा Erling Haaland ले दुई तथा Marcus Holmgren Pedersen ले एक गोल गरे। सेनेगलका Ismaïla Sarr ले दुई गोल फर्काए पनि टोलीलाई हारबाट जोगाउन सकेनन्।
खेलको ४३औँ मिनेटमा मार्कस होल्मग्रेन पेडरसनले गोल गर्दै नर्वेलाई अग्रता दिलाएका थिए। त्यसपछि ४८औँ मिनेटमा हाल्यान्डले गोल गर्दै टोलीको अग्रता दोब्बर बनाए।
सेनेगलका इस्माइला सारले ५३औँ मिनेटमा गोल गर्दै खेलमा फर्कने संकेत दिएका थिए। तर, त्यसको पाँच मिनेटपछि नै हाल्यान्डले व्यक्तिगत दोस्रो गोल गर्दै नर्वेलाई ३–१ को मजबुत स्थितिमा पुर्याए।
दोस्रो हाफको इन्जुरी समयमा सारले आफ्नो दोस्रो गोल गरे पनि सेनेगलका लागि त्यो पर्याप्त हुन सकेन र नर्वेले महत्वपूर्ण जित हात पार्यो।
सन् १९९८ पछि पहिलोपटक विश्वकपमा सहभागी भएको नर्वेले समूह चरणको एक खेल बाँकी रहँदै नकआउट चरणमा स्थान पक्का गरेको हो। सन् १९९८ पछि नर्वे विश्वकपमा छनोट हुन सकेको थिएन।
जितसँगै नर्वे समूह ‘आई’ मा ६ अंकसहित दोस्रो स्थानमा पुगेको छ। समान ६ अंक रहेको France गोलअन्तरका आधारमा शीर्ष स्थानमा रहेको छ। फ्रान्स र नर्वे दुवैले नकआउट चरणमा स्थान सुरक्षित गरिसकेका छन्। लगातार दुई खेलमा पराजित भएका सेनेगल र Iraq भने अंकविहीन छन्।
