बुटवल, १ भदौ – रुपन्देहीमा खोलामा पौडी खेल्ने क्रममा एक बालक डुबेर मृत्यु भएको छ ।
स्थानीय कञ्चन-४ अस्नैयाका ६ वर्षीय शिशिर हिताङ्ग साथीहरूसँग कञ्चन खोलामा पौडी खेल्न गएका थिए।
इलाका प्रहरी कार्यालय रुद्रपुरका प्रहरी निरीक्षक अनिस खड्काका अनुसार, आइतबार दिउँसो करिब ३:३० बजे खेल्ने क्रममा बालक एक्कासी डुबे। उनलाई उद्धार गरी कपिलवस्तुस्थित पिपरा अस्पताल पुर्याइएको भए पनि अस्पतालले मृत घोषित गरेको थियो।
मृतक बालकको शव पोस्टमार्टमका लागि पिपरा अस्पतालमै राखिएको छ।
