बुटवल,पश्चिम नवलपरासीको प्रतापपुर गाउँपालिका वडा नं. ५, भौरमपुरका आगलागी प्रभावित परिवारहरूका लागि शनिबार आयोजितएक दिवसीय निःशुल्क स्वास्थ्य शिविर अत्यन्तै समयसान्दर्भिक र प्रत्यक्ष रूपमा फलदायी बनेको छ। भीषण आगलागीका कारण आफ्नोवर्षौँदेखिको बन्दोबस्ती, अन्नपात, लत्ताकपडा र घरबास समेत जलेर खरानी भएपछि खुला आकाशमुनि त्रिपालको सहारामा रात काट्नविवश पीडितहरू यतिबेला विभिन्न शारीरिक स्वास्थ्य समस्या र तीव्र मानसिक तनाव झेलिरहेका छन्। यही गम्भीर मानवीय संकटलाईमध्यनजर गर्दै उनीहरूलाई तत्काल घरदैलोमै भरपर्दो र गुणस्तरीय स्वास्थ्य सेवा पुर्याउने पवित्र उद्देश्यले स्थानीय महिमा फार्मेसी र वरिष्ठमुत्ररोग विशेषज्ञ डा. सुवास चन्द्र चौधरीको विशेष पहल तथा सहजीकरणमा यो परोपकारी शिविर सम्पन्न भएको हो।
शिविरमा डा. अजय कुर्मीसहित खटिएको दक्ष प्राविधिक स्वास्थ्यकर्मीहरूको टोलीले बिहानैदेखि प्रभावित क्षेत्रमै पुगेर आगलागी पीडितपरिवारका प्रत्येक सदस्य, विशेषगरी बालबालिका, सुत्केरी र वृद्धवृद्धाहरूको विस्तृत स्वास्थ्य परीक्षण गरेको थियो। चिकित्सकहरूकोटोलीले बिरामीहरूको जाँच मात्र गरेन, बरु विषम परिस्थितिमा महामारी वा अन्य संक्रमण नफैलियोस् भनी सचेतना जगाउँदै उनीहरूलाईआवश्यक पर्ने विभिन्न प्रकारका औषधिहरू समेत पूर्ण रूपमा निःशुल्क वितरण गरेको थियो। यस्तो अकास्मात् आइलागेकोमहाविपत्तिको कठिन घडीमा आफ्नै गाउँघरमा विशेषज्ञ चिकित्सकसहितको प्राविधिक टोलीबाट भरपर्दो उपचार र औषधि पाएपछिथकित, गलित र निराश बनेका प्रभावित परिवारहरूले निकै खुसी व्यक्त गर्दै ठूलो मानसिक र शारीरिक राहत महसुस गरेका छन्।
अर्कोतर्फ, भौरमपुरमा आगलागीको कारण स्थानीय नागरिकहरू बिचल्लीमा परेको लामो समय बितिसक्दा पनि संघीय सरकारकोतर्फबाट हालसम्म राहत, क्षतिपूर्ति र पुनःस्थापनाका लागि कुनै पनि ठोस, दीर्घकालीन वा प्रभावकारी पहल हुन सकेको छैन। संकटमापरेका आफ्ना नागरिकलाई मलम लगाउनु पर्ने केन्द्र सरकारको यो चरम उदासीनता र उपेक्षाप्रति स्थानीयबासी र सरोकारवालाहरूलेव्यापक असन्तुष्टि र आक्रोश व्यक्त गरिरहेका छन्। सिंहदरबारले आफ्ना नागरिकको पीडालाई बेवास्ता गरिरहेका बेला यस क्षेत्रबाटनिर्वाचित लोकप्रिय सांसद विक्रम खनाल भने पीडितहरूको घाउमा मलम लगाउन र उनीहरूको आवाज बुलन्द गर्न निरन्तर सक्रिय रूपमालागिपरेका छन्। यसअघि पनि सांसद खनालकै विशेष सक्रियता, व्यक्तिगत तत्परता र पहलमा अग्निपीडितहरूका लागि तत्कालआवश्यक पर्ने खाद्यान्न, ओछ्यान र अन्य अत्यावश्यक राहत सामग्रीहरू घरदैलोमै उपलब्ध गराइएको थियो। विपद्मा परेका परिवारलाईहालसम्म पनि केन्द्र सरकारले कुनै सहायता नदिएपछि केही दिन अघि मात्रै सांसद खनालले संघीय संसद्को बैठकमा सरकारको गम्भीरध्यानाकर्षण गराउँदै भौरमपुरका अग्निपीडितका लागि तत्काल विशेष राहत प्याकेज र सुरक्षित आवासको व्यवस्था गर्न जोडदार मागसमेत गरिसक्नुभएको छ। यसरी एकातिर सरकारी राहतको पर्खाइमा नागरिकहरू निराश भइरहेका बेला स्थानीय स्तरबाट डाक्टरचौधरी, डा. कुर्मी र महिमा फार्मेसी जस्ता सहयोगी हातहरूले चालेको यो प्रसंशनीय कदम तथा सांसद खनालको निरन्तरको प्रयासलेपीडितहरूलाई बाँच्ने नयाँ आशा र भरोसा दिलाएको स्थानीयबासीहरूको भनाइ छ।
