साउन २६, काठमाण्डौ – एएफसी २० वर्षमुनिको महिला एशियन कप छनोट खेलेर नेपाली टोली आज स्वदेश फर्किएको छ । घर फर्किनुअघि नेपालले आइतवार समूह ‘ए’ को आफ्नो अन्तिम खेलमा उत्तर कोरियासँग ११–० को पराकिलो हार बेहोरेको थियो ।
भूटानको थिम्पुमा रहेको चाङलिमिथाङ स्टेडियममा हिजो भएको खेलमा बलियो टिम उत्तर कोरियाले पहिलो हाफमा ५ र दोस्रो हाफमा ६ गोल गरेको थियो । छनोटमा नेपालले ३ खेल खेलेर ४ अङ्कमात्रै जोड्न सक्यो ।
नेपालले पहिलो खेलमा भूटानसँग १–१ को बराबरी खेल्दा दाेस्राे खेलमा साउदी अरेबियासँग १–० ले विजयी भएको थियो । नेपाल रहेको समूहबाट सबै ३ खेल जितेको उत्तर कोरिया ९ अङ्कका साथ समूह विजेता बनेर अर्को वर्ष थाइल्यान्डमा हुने एशियन कपमा छनोट भयो ।
